平常時仔這種活動攏辦佇台北，今年(2026)二月初七和二月初八改佇高雄衛武營舉辦「世界母語日」活動，予人感覺足歡喜，阮兜有講台語佮客語，這改的內容足豐富，阮兜原本就有咧參加母語活動，嘛有加入台語家庭，這改活動予囡仔更加了解原住民語、馬祖語、臺灣手語和原住民語等等的文化，實在足有意義。而且完全免費！後擺有這款活動一定愛樓頂揪樓跤，阿母招阿爸，希望有愈來愈濟親情五十來做伙參與，尤其是上尾的「唐美雲歌仔戲團」，佇衛武營內底賣票一張愛幾千箍仔，這馬攏總免費！政府推廣母語實在有夠感心，咱嘛愛加幫贊！逐工攏來講母語，你講好毋好？！
(以下是我在衛武營世界母語日的各種活動心得分享)
更多活動詳情，請見國家語言生活節官網
https://www.2026twml-festival.com.tw/
母語日的語言大冒險
這擺的主題「母語星際漫遊」，是2026母語日和國家語言生活節活動。拄開始我足煩惱囡仔台語和客語攏無像阮遐滑溜，毋過主辦單位設計「繪本故事區」、「實境解謎活動」佮「集章活動」，閣有手做囡仔物(手作體驗)會當耍，所以無論你是講啥物語言攏會使來𨑨迌。雖罔大項活動結束，無過細項活動定定攏咧進行，嘛會使加入台語家庭，講台語做伙抽獎啦！
繪本故事區活動一直到3/8(官網介紹點我)
主題相當媠(超美超多人打卡拍照)，「母語星際漫遊」不只有台語，阮這擺閣有參與客語、原住民語和馬祖語，活動旁邊都會有手語老師仝時翻譯(平常只有在電視/影片看到手語老師，這次就在舞台旁邊超酷)，嘛予囡仔有無仝款的文化體會。
行動圖書館、創新書市攏有足濟冊會當參考，借/買轉去認識母語。
拄著讀中正大學的寶釵老師，閣有信翰老師做伙來推捒台語，本土語言嘛愈來愈發展。
囡仔認捌馬祖語、參與客語闖關、比手語的活動。
咱高雄的好朋友「旗津tha̍k冊」嘛有來擺攤。讀台語真的足趣味，會當佇生活當中自然使用母語，予多語言成做臺灣日常上媠的風景！
說故事-3樓閱讀窩
阮參與客語活動-曾鼎凱的《小王子》和台語活動-洪淑昭《傲慢與偏見》，這兩本冊攏是世界名著，攏有外國人來參與，足趣味。因為我有讀過洪淑昭《傲慢與偏見》，原本當做是演講，想袂到淑昭老師邀請伊的朋友做伙現場來「朗讀第一章」，就親像賓利先生佮班奈太太佇現場冤家仝款，感動真濟觀眾。
沙龍講座-3樓演講廳
這是我的「偶像見面會」，葛西瓦x黃昱x林緯晴，講是臺灣原住民語言上強的嘻哈音樂不誇張！足濟原住民少年可能不太會講母語，但是唱葛西瓦的歌，「Maya maluqem 別退縮」、Masalu (謝謝) 、Kama (爸爸)、 Kina (媽媽)等，定定聽就學起來。學母語並不用在課堂上，其實來聽個演講，或者聽首歌，引起動機，每天就這樣自然的接觸各種語言。
閣有邱廉欽用客式音樂x庄腳的節奏來予逐家學客家話，嘛是誠心適。
戲劇 | 說故事-榕樹廣場
這嘛是我的偶像！聲優林慕青「台語版動畫潮流」(有影片點我)公視台語台製作台語動畫，嘛是佇日常生活予逐家接觸台語，其中的翻譯名詞，實在足無簡單。
手作體驗- 東南側平臺
「客家陶板彩繪」做成推廣客家文化的載體；「美濃小紙傘」頂懸老師題字有夠專業，材料完全攏免費！會使自透早耍到暗時！我干焦搶到兩个活動爾爾。
音樂 | 戲劇-戶外廣場
從天亮玩到天黑，從諸葛四郎、旺福到唐美雲歌仔戲團，就跟主辦單位文化部所述說的一樣！無論是臺灣台語的熱血、臺灣客語的能量、臺灣原住民族語言的深邃，還是馬祖語、金門話、臺灣手語的獨特共鳴，都將在這次漫遊中交織成最迷人的文化星景。 讓我們一起以音樂演唱、戲劇演出、創新書市、沙龍講座、手作體驗、說故事 #在生活中自然使用母語，讓多語日常成為臺灣最美的風景！
即便是戶外演出，閣有小鬼仔殼(面具)會使戴，紙後壁嘛有台語小教室。
紙風車劇團設計的故事趣味，動作攏是囡仔愛看的。
妳是珍珠 / 我是芋圓 / 妳是珍珠 / 我是芋圓 / 妳是珍珠 / 我是芋圓 / 咱是珍珠跟芋圓。
講到旺福，就想到俗女養成記的插曲。這馬是我感覺足好學的一首台語歌曲，在場的攏做伙唱ah！
舞台的甕底戲(壓軸)就是唐美雲歌仔戲團《夢婆客棧：世紀婚禮》，描述梁山伯、祝英台離開陽世來到地府的故事，燈光舞台是世界一粒一，台語歌仔戲實在有夠好看！坐我隔壁的oo-jí-sáng講伊有買3800的票看過，這馬看第二改！有夠精彩！
有的人很擔心自己台語或母語講不好，不敢參加這樣子的活動。其實如果沒有開始，怎麼會知道不會呢？我剛開始學台語羅馬拼音也是覺得很難，但是你要思考，先前在國小，ㄅㄆㄇ都是要練習一兩年的，還要寫作業與造句，那讀台語/母語也是一樣的，何況這是我們台灣在地的語言和文化。花時間去讀英文固然重要，但是母語更是可以更認識文化的內涵、素養、與音韻之美(好多諧音梗)，從這次的母語日活動，也認識更多平台來讀母語，認識台灣的文化，臺灣是多元族群組成的國家，我們可以有更多元學習的機會。
